D’CSV stellt Vertrieder an den 11 kommunale Kommissiounen. An alle Kommissiounen stelle mer de President.
Sie all engagéieren sech op ganz verschidde Gebitter an ënnerstëtzen de Schäfferot mat hieren Iwwerleeungen an Ureegungen an der alldeeglecher Politik. Op déi Manéier hun niewt de Conseilleren och Bierger d’Méiglechkeet sech aktiv fir d’Belange vun der Gemeng mat an ze brengen. D’Avis’en vun de Kommissiounen hun e reng konsultative Charakter a sinn net öffentlech.
D’Zuel vun de Sëtz an de Kommissiounen get an onser Gemeng, entspriechend dem Proporz, jeweils no de Wahlen entspriechend de Sëtz am Gemengerot festgesat. D’Parteie si fir d’Nominatioun vun de Vertrieder an de Kommissiounen verantwortlech a gi vum Gemengerot gestemmt.
All Kommissioun besteet aus dem President, dem Sekretär, de Memberen an de Membres suppléants. Je no Besoin treffen se sech teschent 3 an 12 mol pro Joer.
Verschidde Kommissiounen si vum Gesetz aus obligatoresch: d’Commission scolaire, d’Commission des loyers an d’Commission consultative pour étrangers (bei méi wéi 20% Auslännerundeel).
Um Enn fannt der och d’Syndikater mat de respektiven Délégéierten. Hei si mir an 9 Syndikater an Organisatiounen präsent fir d’Interesse vun onser Gemeng ze vertrieden.